રેખ્તા
હિન્દવી
સૂફીનામા
રાજસ્થાની
ચુસાયેલો ગોટલો
chusayelo gotlo
નીતિન મહેતા
નીતિન મહેતા
રસ્તામાં જતો હતો
ત્યાં મને એક ગોટલો દેખાયો
અનુકંપાથી મારું હૃદય દ્રવી ઊઠ્યું
જે જે ગોટલા ભાઈ, કેમ છો તમે?
તો સાલો મને કહે : ઊંચા વિચાર-બિચાર
તમારામાં છે કે!
મારા ત્યાગની ગાથા ગાતા નથી તે
તમે ક્યાંના કવિ હાલી મળ્યા!
ઊંચા વિચાર, પ્રતીક, અલંકારની ભાષામાં
અમને અમર કરો.
મેં ચશ્માની દાંડી સીધી કરતાં
કહ્યું : ગાંડું ત્રીસ થયાં
ગોલીના તેનું શું ખબર અમારા સુખદુઃખની
ખબર પડે—
કહી તેને જોરથી લાત મારી
આગળ ચાલતો થયો
વિચારતો હતો આ ગોટલાને
આંગણમાં વાવ્યો હોત તો
આવતી કાલ મારી ને કવિતાની
ઉજળી થાત—
ઘરે આવીને જોઉં છું તો
અંગૂઠામાં લોહી જામી ગયું છે
ને પાનીમાં આંબાની ડાળી
ફૂટી નીકળી છે
સ્રોત
- પુસ્તક : નિર્વાણ (પૃષ્ઠ ક્રમાંક 32)
- સર્જક : નીતિન મહેતા
- પ્રકાશક : અરુણોદય પ્રકાશન
- વર્ષ : 1988