ચાંદરણું

ચાંદરણું

હું વ્યસ્ત હ્યાં ટેબલ પે કચેરીમાં

ત્યાં

આવી પડ્યું ચાંદરણું રૂપેરી.

મૂગું મૂગું એ હસીને મને ક્યાં

તેડી ગયું દૂર? - પ્રદોષવેળા

ઝૂકેલ શો ઘેઘૂર આંબલો, ને

વહી જતી પાછળ રમ્યઘોષા

નદી; ભરીને જલ-કેશ ભીના

કપોલની શી સુરખી ભીની ભીની! –

જતી હતી તું; નીરખી મને ને

અટકી જરા; ચાંદરણું રૂપેરી

ગર્યું નીચે ઘેઘૂર વૃક્ષમાંથી

ભીના ભીના રક્તકપોલની પરે...

આજે હશે ક્યાં અહ કેવી

જાણું ના...

જો ક્યાંકથી આ કવિતા કદીયે

વાંચે ભલા તો લઈ તું જજે હવે

(નદીતટે વૃક્ષ નીચે ઊભેલા

કુમારને જે દીધ તેં) રૂપેરી

ભીનું ભીનું ચાંદરણું.....

chandaranun