રેખ્તા
હિન્દવી
સૂફીનામા
રાજસ્થાની
ખોરડું
khoraDun
ગુલામમોહમ્મદ શેખ
ગુલામમોહમ્મદ શેખ
ફરી પાછું આ ખોરડું ચૂવે;
એકબીજાને બાથ ભીડીને નળિયાં રાતાં પાણીએ રુવે,
આજ ફરી પાછું ખોરડું ચૂવે.
કાલ સુધી તો તૂટલી વાંસ-ખપાટમાંથી રોજ ઊતરી હેઠે
ચાંદરણાં કો’ક ચીતરી જાતું;
(એ) ગાર તણી પરસાળ આછા અંધારથી લીંપી
કોઈ આજે એના અણુઅણુમાં ઊતરી જાતું.
ચાળણી જેવું છાપરું જળતી જાતને નેણનાં નીરથી ધૂવે.
ફરી પાછું આ ખોર઼ડું ચૂવે.
ઉપર આડા મોભ ધરુજે, બારીઓ-બારણાં હીબકાં ખાતાં,
બેય બાજુની લથપથે ભીંત રેલેરેલે એનાં ધોળ ધોવાતાં,
માંહ્ય રે’નારાં વલખે
- ને દૂર ચાળનારાં વણથડક્યાં સૂવે!
આજ ફરી પાછું ખોરડું ચૂવે.
(૧૫-૬-૧૯૫૮)
સ્રોત
- પુસ્તક : અથવા અને (પૃષ્ઠ ક્રમાંક 157)
- સર્જક : ગુલામમોહમ્મદ શેખ
- પ્રકાશક : સંવાદ પ્રકાશન અને ક્ષિતિજ સંશોધન પ્રકાશન કેન્દ્ર
- વર્ષ : 2013