રેખ્તા
હિન્દવી
સૂફીનામા
રાજસ્થાની
ચાલ મન!
chaal man!
વિપિન પરીખ
વિપિન પરીખ
વૃક્ષ કદાચ એમ પણ કહે–
‘મને પહેલાં ચા-પાણી પાઓ
પછી જે છાંયો આપું.’
કોયલ કદાચ આગ્રહ રાખે–
‘કોઈ સરસ જગ્યા જોઈ મને ફલૅટ બંધાવી આપો
પછી જ ટહુકો મૂકું.’
થોડાક પૈસા વધુ મળે તો
નદી પોતાનું જ પાણી
સામે કાંઠે ઠાલવી નાખે તો નવાઈ નહીં.
ચાલ મન! એવા દેશમાં જઈએ
જ્યાં સૂરજને તડકા માટે લાંચ ન આપવી પડે!
સ્રોત
- પુસ્તક : તલાશ (પૃષ્ઠ ક્રમાંક 53)
- સર્જક : વિપિન પરીખ
- પ્રકાશક : એન. એમ. ત્રિપાઠી પ્રાઇવેટ લિમિટેડ
- વર્ષ : 1980