રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

ભૂખ મળજો

કાનજી પટેલ

ભૂખ મળજો

કાનજી પટેલ

Roman

ભૂખ સાંભળી છે

જાણી નથી

કહે છે એમાં એકે એક વેણ્ય

તાર તાર થાય

ઢીંચણ ને હોજરી એક થાય

બસ એક મુઠ્ઠી ધાન માટે

એક કંટી મળે કોદરાની

બાવટો કે બંટી મળે

ભટૂર મળે

અડઘું ઢોબલું થૂલું જડે

તો હોજરી ઠરે

ઠરવાની આશ કંઈ નવી નથી

ન ઠરવાની આગ ઘણી ઘણી જૂની છે

તો ય દુનિયા ભૂખને જાણતી નથી

હોજરી માંહોમાંહ પજળે છે

એકે એક હોજરીને

ભવમાં એક વાર એવી ભૂખ મળજો.

ભૂખ

સ્રોત

પુસ્તક : ડુંગરદેવ (પૃષ્ઠ ક્રમાંક 25)
સર્જક : કાનજી પટેલ
પ્રકાશક : ગુજરાતી સાહિત્ય પરિષદ
વર્ષ : 2006