રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
અસ્તિત્વ
astitw
હરીશ મંગલમ્
હરીશ મંગલમ્
આવો મિત્રો
જે નગરમાં અમે વસીએ છીએ
એમાં પ્રવેશ કરતાં
માણસનાં બે જડબેસલાક લેબલ દેખાય
તો ચોંકી ના ઊઠતા
સંસ્કૃતિના કરંટથી
વસિયતનામાની Red Light
હરપળે અસ્તિત્વને ચૂસી રહી છે
તાજા માંસલ હાડકાને
કૂતરું ચૂસીચૂસી સૂક્કુંભઠ્ઠ કરી દે એમ જ!
ને હાડકું ઉકરડામાં સડ્યા જ કરે સડ્યા જ કરે...
સમાનતાની શબપેટીમાંથી મારે દુર્ગંધ
વિષલગ્રંથોનું હાડોહાડ ફરજંદ,
તવાઈ ગયેલા લોહીનું સર્જન
હવે તો–
મૂકી દો નસેનસમાં Blood-sucker
ને–
પ્રચંડ જ્વાળામુખીના લાવા ઉપર લટકતા,
– થરથરતા
– કંપતા
અમારા અસ્તિત્વને માન્યતા આપો
વિશ્વ અદાલતમાં.
