રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

અમને અધિકાર આપો

મધુકાન્ત કલ્પિત

મધુકાન્ત કલ્પિત

અમને અધિકાર આપો

મધુકાન્ત કલ્પિત

Roman

હવે

ચૂપ છે

મિલની વ્હિસલો.

જાણે

સન્નાટો ઓઢીને

સૂઈ ગઈ છે

અમદાવાદની જાહોજલાલી.

મોં ખંગાળી

ખભે બુશર્ટ નાખી

કાચી ઊંઘ મસળતો

ત્રીજી પાળીનો ડાફિલ-કામદાર

મરઘાં-બકરાંથી ભરચક ચાલી વચ્ચેથી

રમઝટ ભાગવાને બદલે

હવે

તૂટમૂટ ખાટલીએ પડ્યો

રાત-દિવસ

શ્વાસની સિસોટીઓ વગાડે છે.

ગઈ ગુજરી યાદ આવતાં

ઘર વચ્ચે છેડો વાળી

કાળા પાણીએ રોતી કકળતી એની ઘરવાળીને

નિસાસો નાખવા માટે

આકાશ પણ ઓછું પડે છે!

સગડીમાંથી વેરાયેલા

બળેલા વ્હેર જેવું નસીબ ઓઢી

ઓસરિયે સૂતાં છે નાગોડિયાં છોકરાં,

એમની આંખોમાં

દબદબાપૂર્વક પસાર થઈ રહ્યો છે

બ્યુગલો બજાવતો

આઝાદીની પચાસમી વર્ષગાંઠનો રથ.

ભરભાંખળું થતાં

સ્રોત

પુસ્તક : તરજુમો (પૃષ્ઠ ક્રમાંક 19)
સર્જક : મધુકાન્ત કલ્પિત
પ્રકાશક : પોતે
વર્ષ : 2008