![](https://rekhtagujarati.org/Images/Shayar/round/534d712e-5f3f-4ea9-851b-addc8dbe835b.png)
[ફોટોગ્રાફ-કલાકાર શ્રી અશ્વિન મહેતા માટે]
મુઠ્ઠી ભરીને નાખેલ
બેફામ આમતેમ
કોઈ ક્રુદ્ધ દેવે
કાળની કચ્ચરો-
અમે ઇડરિયા પથ્થરો.
ભેંકાર તોતિંગ નગ્નતા
બખોલ ભરેલું મૌન
ભેખડે ઝઝૂમતી એકલતા
પીઠ પર વાયુવરસાદના વાઘજરખ નખ-ઉઝરડા.
ટોક માથે અઘોર માનવની મેડી
-રૂઠ્યાં મનનું માળિયું;
ક્યાંક આભઆધારે અભયચોકી;
ગઢની કરાડે અધભૂંસી સાહસપગથી;
પથ્થરિયા છાતી પર રૂપકડાં મંદિર-છૂંદણાં...
ક્યાંક પડ્યા વેરવિખેર
ક્યાંક ગેબી ઢેર
કોઈ એકાક્ષ મહોરો
એકપંખ વિહંગ
ગેંડો પાડો ઊંટ
જાણે કાપાલિકની વિરાટ ખોપરી
કોઈ તપસીનું રુદ્રસિંહાસન
કોઈ અલૌકિક રૂપસી....
અંધ કૅમેરા-ચક્ષુ
જોઈ લે કંઈ કંઈ અનોખા આકાર રમ્ય સહુમાં,
તો પ્રેમની દેખતી આંખ માટે શું પથ્થરો જ કેવળ
મેલા ઘેલા
અમે ઇડરિયા પથ્થરો?
અમદાવાદ, (ઉત્તરાયણ) ૧૪-૧-૧૯૭૭ (ધારાવસ્ત્ર)
[photograph kalakar shri ashwin maheta mate]
muththi bharine nakhel
bepham amtem
koi kruddh dewe
kalni kachchro
ame iDariya paththro
bhenkar toting nagnta
bakhol bharelun maun
bhekhDe jhajhumti ekalta
peeth par wayuwarsadna waghajrakh nakh ujharDa
tok mathe aghor manawni meDi
ruthyan mananun maliyun;
kyank abhadhare abhaychoki;
gaDhni karaDe adhbhunsi sahasapagthi;
paththariya chhati par rupakDan mandir chhundnan
kyank paDya werawikher
kyank gebi Dher
koi ekaksh mahoro
ekpankh wihang
genDo paDo unt
jane kapalikni wirat khopri
koi tapsinun rudrsinhasan
koi alaukik rupasi
andh kemera chakshu
joi le kani kani anokha akar ramya sahuman,
to premni dekhti aankh mate shun paththro ja kewal
mela ghela
ame iDariya paththro?
amdawad, (uttrayan) 14 1 1977 (dharawastr)
[photograph kalakar shri ashwin maheta mate]
muththi bharine nakhel
bepham amtem
koi kruddh dewe
kalni kachchro
ame iDariya paththro
bhenkar toting nagnta
bakhol bharelun maun
bhekhDe jhajhumti ekalta
peeth par wayuwarsadna waghajrakh nakh ujharDa
tok mathe aghor manawni meDi
ruthyan mananun maliyun;
kyank abhadhare abhaychoki;
gaDhni karaDe adhbhunsi sahasapagthi;
paththariya chhati par rupakDan mandir chhundnan
kyank paDya werawikher
kyank gebi Dher
koi ekaksh mahoro
ekpankh wihang
genDo paDo unt
jane kapalikni wirat khopri
koi tapsinun rudrsinhasan
koi alaukik rupasi
andh kemera chakshu
joi le kani kani anokha akar ramya sahuman,
to premni dekhti aankh mate shun paththro ja kewal
mela ghela
ame iDariya paththro?
amdawad, (uttrayan) 14 1 1977 (dharawastr)
![](/images/dot_seperator.png)
![](/images/dot_seperator.png)
![](/images/dot_seperator.png)
સ્રોત
- પુસ્તક : શ્રેષ્ઠ ઉમાશંકર (પૃષ્ઠ ક્રમાંક 84)
- સંપાદક : નિરંજન ભગત, ચિમનલાલ ત્રિવેદી, ભોળાભાઈ પટેલ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2005