રેખ્તા
હિન્દવી
સૂફીનામા
રાજસ્થાની
વૃક્ષને ય વાચા તો ફુટશે!
સાપ અને નોળિયાની જેમ
ભલે અમે
સામાન્ય ઘટના રહ્યા.
અમે જાણીએ છીએ
થોર પર તીતીઘોડા ને
ખાઈ જતા કાચીંડા
ડરાવી નહિં શકે કો’ ’દિ
પણ, હા-
દુર્ગમ દીવાલો પર બેઠેલું
કોગડાઓનું ટોળું
કા, કા, કકળાટ કરી
થોડા વધુ દિ’ લઈ જશે, કદાચ...!
પણ, તેથી કાંઈ
પૃથ્વીનું પરિભ્રમણ
અટકી જવાનું નથી
ભેખડ સાથે
તૂટી પડતા વૃક્ષની જેમ
ભલે અમે
સામાન્ય ઘટના રહ્યા.
પથ્થરમાં ય પીંપળો તો ફૂટશે!
સ્રોત
- પુસ્તક : અનુબંધ (પૃષ્ઠ ક્રમાંક 28)
- સર્જક : ભી. ન. વણકર
- પ્રકાશક : પોતે
- વર્ષ : 2004