રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

–એ કાવ્ય

જ્યોતિષ જાની

–એ કાવ્ય

જ્યોતિષ જાની

Roman

એ કાવ્યને

હું

ક્યારે ય જન્મ

આપી શકવાનો નથી.

મારી અસંખ્ય જીહ્વાઓમાંથી

પ્રગટવા મથતું

એ કાવ્ય

એના લાલ રેસાઓથી

મને રુંધી રહ્યું છે.

કદાચ, તમે એને પામી શકો-

મારી આંખોના લાલ લાલ ખૂણામાં

ક્યારેક એ પ્રગટે છે

જ્યારે ધૂંધળા આકાશમાં રાતા સૂર્યનું

એક કિરણ

મારી આંખોમાં સરી જાય છે.

થીજી જતાં પહેલાં આંસુના પરપોટામાં

ક્યારેક એના શબ્દનો

ધ્વનિ-તરંગ ઝીલાય છે.

છલકે છે ક્યારેક હોઠો ઉપર

સ્વપ્ન જોસથી મને ચૂમી લઈ

વિહ્વળ કરી મુકીને-

-મારું કદીયે નહિ જન્મ પામવા નિર્માયેલું

–એ કાવ્ય.

સ્રોત

પુસ્તક : ઉત્તરાયણ (પૃષ્ઠ ક્રમાંક 65)
સંપાદક : દીપક મહેતા
પ્રકાશક : નેશનલ બુક ટ્રસ્ટ, ઇન્ડિયા
વર્ષ : 2008