રેખ્તા
હિન્દવી
સૂફીનામા
રાજસ્થાની
થોડે થોડે ભણવા વિષે
thode thode bhanva vishe
દલપતરામ
દલપતરામ
(દોહરા)
ભણતાં પંડિત નિપજે; લખતાં લહીઓ થાય,
ચચ્ચાર ગાઉ ચાલતાં લાંબો પંથ કપાય.
પોપટ પણ અભ્યાસથી, શિખે બોલતાં બોલ;
કાયર થઈ આળસ કરે, તે નર ખરને તોલ.
કુવા ઉપરના કઠણ જે, પાકા કાળા પાણ;
દોરડીએ છેદાય છે, એ લેવું એંધાણ.
સ્રોત
- પુસ્તક : ચૂંટેલી કવિતા : દલપતરામ (પૃષ્ઠ ક્રમાંક 195)
- સંપાદક : ચિમનલાલ ત્રિવેદી
- પ્રકાશક : ગુજરાત સાહિત્ય અકાદમી, ગાંધીનગર
- વર્ષ : 2002