શું આ દેશ-વિદેશ

શું આ દેશ-વિદેશ

(દુહા)

શું વસતી, શું જંગલો, શું આ દેશ-વિદેશ

હોય ભવાઈ શ્વાસની ત્યાં લગનો આ વેશ

ભીતર ખાલી ડોલચું તોયે માને પીર

આડંબર એવો કરે, જાણે હોય કબીર

ડોલર શોધે સંતને, મુલ્લા માણે મોજ

અડખે પડખે દોડતી ઘેટાંઓની ફોજ

ઝાઝા ‘શોપિંગ-માલ’ ને ખુલ્લા છે સૌ રોડ

જેનું ખિસ્સું જેવડું ત્યાં લગ તેની દોડ

શું રૂંધન, શું બંધનો, કેવા ડર, પડકાર

મેં ફટકારી લાત જ્યાં, થૈ ભીંતો ભંગાર

હૈયે વ્હાલી ભોમકા, રગ રગ પ્યારો દેશ

હું છું મારા દેશનો, જુઠ્ઠા સૌ પરદેશ

shun aa desh widesh