રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પ્રેયસીનું Vision અનુભવ્યાનો સાર
preysinun wision anubhawyano sar
વિનોદ જોશી
વિનોદ જોશી
વિમલી તારી યાદનો બરો મૂતર્યો બાપ
રાતે આવ્યો તાવ હૈયું ગણગણ ગોશલો.
અંધારામાં ઑગળે કબૂતરાની પાંખ
ઠોલે લક્કડખોદ મારે આંગણ ઊંઘને.
મારગ કેરાં ચીંથરાં સળવળ દોડ્યાં જાય
વિમલી તારે દેશ તાકો થઈને ઊખળે.
કૂણા હાથે સાણસી ચૂલા ઉપર ચા
ગાળ્યા પહેલાં આજ હૈયું ભરતું ઘૂંટડા.
હું ચંદનનાં લાકડાં, હું વિનિયાની લાશ
મસાણ જોતો રાહ આઘેનો તું દેતવા.
હડદો તારો સામટો ને અવડી ઇંડીપેન
અખ્શર સૂતા આજ મડદાં થઈને યાદના.
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 423)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004