રેખ્તા
હિન્દવી
સૂફીનામા
રાજસ્થાની
ચાર સોરઠા શોક્યના
char soratha shokyana
મનહર જાની
મનહર જાની
માવલા તારી મૂછમાં, બળતો પૂળો મેલ;
ખેલ્યાં કવળાં ખેલ, ઘરચોળામાં ઘેંજળી.
અંદણ ચંદણ ચોકમાં, આંબા લચકાલોળ;
બાવળિયાની જોડ્ય, મારે ફળિયે માવલા.
વીંછી કરડ્યો વાંભનો, કમખે લાગી આગ;
અડવડ દડવડ નાગ, હથેળિયે હમચી ખૂંદે.
માવલા મારી આંખ્યમાં, અવળા ખીલા ઠોક્ય;
છીંડું પાડી શોક્ય, ઊભાં ખેતર ઓળવે.
સ્રોત
- પુસ્તક : કવિતા : ઓગસ્ટ ૧૯૭૮ (પૃષ્ઠ ક્રમાંક 6)
- સંપાદક : સુરેશ દલાલ
- પ્રકાશક : જન્મભૂમિ પ્રકાશન, મુંબઈ