વા વા વંટોળિયા રે
wa wa wantoliya re
જગદીપ વીરાણી
Jagdeep Virani
![](https://rekhtagujarati.org/Images/Shayar/round/1cafb58a-bb9b-4aff-ae69-7a3879d051d2.png)
વાયરા વન વગડામાં વાતા’તા
વા-વા-વંટોળિયા.
અમે વગડા વીંધતાં જાતાં’તાં
વા-વા-વંટોળિયા...વાયરા.
ગાડાં દોડે, ઘુઘરા બોલે
બળદ તણાં શીંગડાં ડોલે
એક સાથ સાથ અમે ગાતાં’તાં...વા-વા-વંટોળિયા.
પથ ડોલંતી, ધૂળ ઊડંતી
ઝાડવાંઓની ઝુંડ ઝૂલંતી
ઝીણી ઝીણી આંખો કરી જોતાં’તાં...વા-વા-વંટોળિયા.
ધોમ ધખેલો, આભ તપેલો
ગરમી તણી ગાર લીંપેલો...
ઊની ઊની લૂ ની મહિં નાતાં’તાં...વા-વા-વંટોળિયા.
અમે ગાડામાં બેસીને જાતાં’તાં...વા-વા-વંટોળિયા.
![](/images/dot_seperator.png)
![](/images/dot_seperator.png)
![](/images/dot_seperator.png)
સ્રોત
- પુસ્તક : વિરાટના પગથારે (પૃષ્ઠ ક્રમાંક 133)
- સર્જક : જગદીપ વીરાણી
- સંપાદક : વિનોદ જોશી
- પ્રકાશક : ગુજરાત સાહિત્ય અકાદમી
- વર્ષ : 2018
- આવૃત્તિ : (પુનર્મુદ્રણ)