રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વીણ રે વીણ
ડોલર ને ચંપો વીણ રે વીણ.
લચકે ડોલરિયો
મલકે ચાંપલિયો
બેઠું ગુલાબ પેલું લાલ કરી ગાલ
અહો ઊડે ગુલાલ
ડોલર ને ચંપો વીણ રે વીણ.
ટહુકે કોયલડી
હીંચે છે વેલડી
થનગન નાચે છે મોરલા ને ઢેલ
અહો કાલાં ઘેલાં ગેલ
ડોલર ને ચંપો વીણ રે વીણ.
આંબલિયે મંજરી
કુંજમાં વસંત ભરી
અંગમાં ઉમંગ, રંગ રંગ અંગ અંગ
અહો આનંદી ગંગ
ડોલર ને ચંપો વીણ રે વીણ.
સ્રોત
- પુસ્તક : બાળગીતો- 2 (પૃષ્ઠ ક્રમાંક 28)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ