રેખ્તા
હિન્દવી
સૂફીનામા
રાજસ્થાની
ઝબૂક વજળી
jhabuk wajli
ત્રિભુવન ગૌરીશંકર વ્યાસ
ત્રિભુવન ગૌરીશંકર વ્યાસ
હું ચમકારા કરતી વીજળી!
વાદળમાં તો રમઝમ ચાલું!
ઝળહળ ઝળહળ કરતી ચાલું!
ઉપર જાઉં, નીચે જાઉં!
આભમાં સંતાતી જાઉં!
ઝબૂક વીજળી ઝબૂક!
*
જરાક મારું મોં મલકે ત્યાં!
વાદળ ખડખડ ખડખડ હસે!
ને મોતીડે મે વરસે!
ચાલું ત્યાં અજવાળાં થાય
અંધારાં ઝટ નાસી જાય
ઝબૂક વીજળી ઝબૂક!
*
આખી દુનિયામાં હું દોડું
પડું ઉપર તો ડુંગર તોડું!
ધરતીના પડદાને ફોડું!
હુંમાં જરાય ભાર નહિ!
ને મારા બળનો પાર નહિ!
ઝબૂક વીજળી ઝબૂક!
સ્રોત
- પુસ્તક : બાળગીતો- 2 (પૃષ્ઠ ક્રમાંક 1)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ