રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વહાલું વતન
wahalun watan
ચીમનલાલ પ્રા. ભટ્ટ
ચીમનલાલ પ્રા. ભટ્ટ
મારું વતન આ મારું વતન
વહાલું વહાલું મને મારું વતન હાં
જેની માટીની મારી કાયા ઘડેલી
તેને કરું હું કોટિ કોટિ નમન હાં–મારું.
રાણા પ્રતાપ ને શિવાજી શૂરવીર
મારા વતનનાં એ મોંઘા રતન હાં–મારું.
લાલ અને બાલ વળી દાદાને દાસજીએ
જેણે સમર્પ્યું છે સારું જીવન હાં–મારું.
ગાંધીબાપુને હૈયે વસ્યું જે
સંસાર સાર અને જીવનધન હાં–મારું.
વહાલા વતનનો સર્વોદય સાધવા
હોંશે ઓવારું હું તન મન ધન હાં–મારું.
સ્રોત
- પુસ્તક : બાળગીતો- 2 (પૃષ્ઠ ક્રમાંક 24)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ