રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

કેવી મજા

સોમાભાઈ ભાવસાર

કેવી મજા

સોમાભાઈ ભાવસાર

Roman

સૂરજ જેમ પ્રકાશ મળે જો

દૂર દેશથી આવી પૂગી

આભ પરે હાં સાચે ઊગી

પ્રકાશવાની કેવી મજા?

કોયલની જેમ કંઠ મળે જો

વનવગડા કેરી રે કુંજે

આંબા ડાળે બેસી ઊંચે

ટહુકવાની કેવી મજા?

ફૂલની જેમ સુવાસ મળે જો

છોડ છોડવા ઉપર ખીલી

ચંદ્ર કલાને અંગે ઝીલી

ફોરવાની કેવી મજા?

વાદળીની જેમ પ્રાણ મળે જો

આમ તેમ જોડી ગગડાટે

વીજ તણા ચમકારા સાથે

વરસવાની કેવી મજા?

સ્રોત

પુસ્તક : બાળગીતો- 2 (પૃષ્ઠ ક્રમાંક 35)
સંપાદક : સોમાભાઈ ભાવસાર
પ્રકાશક : સંસ્કાર સાહિત્ય મંદિર
વર્ષ : 1978
આવૃત્તિ : પુનર્મુદ્રણ