રેખ્તા
હિન્દવી
સૂફીનામા
રાજસ્થાની
દરિયાનાં મોજાં પર મૂકી છે દોટ,
અમે બાળક તો દરિયાનાં મોજાં;
વાદળને મ્હેલ રમ્યાં વાદળને કોટ,
અમે બાળક સૌ વાદળનાં ફોરાં.
ફૂલો આ મલકે છે વહેલી સવાર,
અમે ફૂલોનાં ભેરુઓ ભોળાં;
ઝળકે છે રોજ રોજ તારા-વણઝાર,
અમે એનાં યે ફરફરતાં છોગાં.
ઘરઘરમાં સીમસીમ ઊઠે કલ્લોલ,
અમે બાળક તો કલરવનાં મોજાં;
દેવોનાં હૈયાંની કૂણેરી કોર,
અમે બાળક સૌ અમરતનાં ફોરાં
સ્રોત
- પુસ્તક : મઘમઘાટ (પૃષ્ઠ ક્રમાંક 33)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982