રેખ્તા
હિન્દવી
સૂફીનામા
રાજસ્થાની
તરાપો
tarapo
સ્નેહરશ્મિ
સ્નેહરશ્મિ
રમતો રમતો જાય,
તરાપો રમતો રમતો જાય.
જોતો એને બેઉ કિનારે
કુંજો લીલી થાય,
કરતાં એનો સાથ પંખીડાં
ગીત મધુરાં ગાય.
તરાપો નદીમાં વહેતો જાય.
આવે કરવા સહેલ તરાપે
પવન ફોરાં સાથ,
જોવા એને અગણિત તારા
પલકે આખી રાત!
તરાપો ગાતો ગાતો જાય!
આથમણા ઘાટેથી નીકળ્યો,
ઉગમણે દેખાય,
અલકમલકથી આવી એ તો
અલકમલકમાં જાય.
તરાપો હેરિયાં ખાતો જાય,
તરાપો રમતો રમતો જાય.
સ્રોત
- પુસ્તક : મઘમઘાટ (પૃષ્ઠ ક્રમાંક 12)
- પ્રકાશક : હાર્દિક પ્રકાશન
- વર્ષ : 1982