રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સૂરજમુખી
surajmukhi
હરિલાલ પંડ્યા
હરિલાલ પંડ્યા
ઓ રે સૂરજમુખી, ઓ સૂરજમુખી!
તારું જીવન છે કેવું સુખી?
ઊગી ઉષા તણાં
લે તું ઓવારણું;
વેરે પરાગ તું ઝૂકી ઝૂકી,
તારું જીવન છે કેવું સુખી?
મારે આંગણિયે,
સોના – દાંડલિયે;
નાનેરું નાચે લજ્જા મૂકી,
તારું જીવન છે કેવું સુખી?
પાંખડીઓ તાહરી
છોને જતી ખરી;
મારે હૈયે તારી મૂર્તિ લખી,
તારું જીવન છે કેવું સુખી?
સ્રોત
- પુસ્તક : ગીતરાણી (પૃષ્ઠ ક્રમાંક 18)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945