રેખ્તા
હિન્દવી
સૂફીનામા
રાજસ્થાની
વહાલું વહાલું
wahalun wahalun
સોમાભાઈ ભાવસાર
સોમાભાઈ ભાવસાર
અમને વહાલું વહાલું લાગે
ગાંધી બાપુ કેરું નામ;
ગાંધી બાપુ કેરું નામ એથી
હૈયે આને હામ !—અમને...
અમને રૂડું રૂડું લાગે
એના રેંટિયાનું નામ;
એમાં દેશનું છે કામ !—અમને...
એને મન તો સર્વે સરખા
રાજા રંક લોક તમામ;
રાજા રંક લોક તમામ સૌમાં
વસિયો એક જ રામ !—અમને.
એણે ઘર ઘર ભટકી જગવ્યાં
શહેરે શહેર ગામેગામ;
શહેરે શહેર ગામેગામ,
થાણાં નાખ્યા ઠામેઠામ !—અમને...
એનો એક જ એ સંદેશો અને
એક જ એ છે કામ;
એક જ એ છે કામ ખાદી
પહેરો લોક તમામ !—અમને...
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 69)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ