રેખ્તા
હિન્દવી
સૂફીનામા
રાજસ્થાની
કોઈને ના આલું...!
koine na alun !
કનૈયાલાલ જોશી
કનૈયાલાલ જોશી
કોઈને ના આલું....! કોઈને ના આલું....!
મારા ગજવામાં ગાણું છાનું છાનું....!
પંખાળો ઘોડલો રે મોકલ્યો સોના પરીએ;
ઊડણ ખટોલો રે મોકલ્યો રૂપા પરીએ;
મારે ઊડવાને આભલું નાનું નાનું....!
મારા ગજવામાં ગાણું છાનું છાનું....!
–કોઈને ના આલું.....(૧)
સોનેરી ઝભલું રે મોકલ્યું દાદા સૂરજે;
રૂપાળું છોગલું રે મોકલ્યું મામા ચંદરે;
મારે જોવું દર્પણ નાનું નાનું....!
મારા ગજવામાં ગાણું છાનું છાનું....!
–કોઈને ના આલું....(ર)
ગેડી સોનાની રે મોકલી રાજાના કુંવરે;
દડી રૂપાની રે મોકલી રાજાની રાણીએ;
મારે રમવાને આંગણું નાનું નાનું....!
મારા ગજવામાં ગાણું છાનું છાનું....!
–કોઈને ના આલું....(૪)
ઝમક ઝાંઝરી રે મોકલી ગોપી રાધાએ;
મધુર વાંસળી રે મોકલી ગોવાળ કાનુડે;
મારે થનગનવા મધુવન નાનું નાનું....!
મારા ગજવામાં ગાણું છાનું છાનું....!
–કોઈને ના આલું....(4)
સ્રોત
- પુસ્તક : મઘમઘાટ (પૃષ્ઠ ક્રમાંક 37)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982