રેખ્તા
હિન્દવી
સૂફીનામા
રાજસ્થાની
પિંજરાનો પોપટ
pinjrano popat
ધૈર્યચન્દ્ર ર. બુદ્ધ
ધૈર્યચન્દ્ર ર. બુદ્ધ
સોનાના એ પિંજર ઉપર,
જડ્યા હીરા ને મોતી;
ફળ ખાવાનાં પડ્યાં છતાં,
પોપટની આંખો રોતી.
મહેલ મજાનો પિંજર ટાંગ્યું,
તરફડ તરફડ થાતો,
એકલ પોતે ઊડી જાવા,
ગાન રુદનનાં ગાતો.
સોનાના પિંજરથી તેને
ઝાડ મઝાનું લાગે;
મીઠાંમધ શાં ફળફૂલ જોતાં
અંતર બળતું આગે.
ઊડી જવાને દિલ લલચાતું,
ગુલામ રહી કાં મરવું?
સ્વતંત્રતા વિણ જીવન તેને
લાગે કડવું કડવું.
સ્રોત
- પુસ્તક : ગીતરાણી (પૃષ્ઠ ક્રમાંક 33)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945