રેખ્તા
હિન્દવી
સૂફીનામા
રાજસ્થાની
પાંચ ભાઈબંધ
panch bhaibandh
રમેશ પારેખ
રમેશ પારેખ
પોપટ ને કાગડો ને ચકલી ને કાબર ને હોલો રે હોલો.
લાવ્યાં કપાસનું કાલું કે ભાઈ ઝટ્ટ ફોલો રે ફોલો.
હોલો ને કાબર ને પોપટ ને કાગડો ને ચકલી રે ચકલી
કાલું ફોલે ને રૂ કાઢે ને ફેરવે છે તકલી રે તકલી.
ચકલી ને પોપટ ને કાબર ને હોલો ને કાગડો રે કાગડો
હારબંધ બેસીને કાઢે છે સૂતરનો તાગડો રે તાગડો.
કાગડો ને હોલો ને પોપટ ને ચકલી ને કાબર રે કાબર
લાવ્યાં સાંઠીકડાંની સાળ ને વણે છે એક ચાદર રે ચાદર.
કાબર ને ચકલી ને હોલો ને કાગડો ને પોપટ રે પોપટ
ઠંડી જો લાગે તો ચાદરને ઓઢી લે ઝટપટ રે ઝટપટ.
સ્રોત
- પુસ્તક : મઘમઘાટ (પૃષ્ઠ ક્રમાંક 32)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982