રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મોરલાનું પીછું
morlanun pichhun
કનૈયાલાલ જોશી
કનૈયાલાલ જોશી
વાંસળીના વનમાં એક મોરલાનું પીછું!
નાચે થનગન થનગન મોરલાનું પીછું!
જમુનાના તટ પર બે ગોરાં ગોરાં પગલાં!
વેરે ઝાંઝર ઝણકાર ગોરાં ગોરાં પગલાં
તરુવર કદમ્બનાં રૂડાં રતૂમડાં પાન!
બની હરખઘેલાં પાડે તાલી રતૂમડાં પાન!
આભલે વાદળીનાં વીજ આંજ્યાં નેણલાં!
વરસાવે સોણલાં વીજ આંજ્યાં નેણલાં!
સોણલાને રંગે ભીનાં ભીનાં પીંછું ને પગલાં!
બની ગાંડાતૂર નાચે પીંછું ને પગલાં!
સ્રોત
- પુસ્તક : મઘમઘાટ (પૃષ્ઠ ક્રમાંક 41)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982