રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કેવી મજા!
kewi maja!
રમણલાલ સોની
રમણલાલ સોની
મા, હોઉં જો આભનો તારો તો તરવાની કેવી મજા!
મા, હોઉં જો નાવડી નાની તો ઝૂલવાની કેવી મજા!
મા, હોઉં જો વાછડી નાની તો ઠેકવાની કેવી મજા!
મા, હોઉં તારા ભાલની ટીલી તો ટીકવાની કેવી મજા!
મા, હોઉં જો દેવની ચલ્લી તો ચૂગવાની કેવી મજા!
મા, હોઉં વનફૂલની ડાળી તો મહેકવાની કેવી મજા!
મા, હોઉં જો મોરલો નાનો તો નાચવાની કેવી મજા!
મા, હોઉં તારા કંઠની કંઠી તો ભેટવાની કેવી મજા!
સ્રોત
- પુસ્તક : ગીતરાણી (પૃષ્ઠ ક્રમાંક 7)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945