રેખ્તા
હિન્દવી
સૂફીનામા
રાજસ્થાની
મોરલા
morla
શાંતિકુમાર પંડ્યા
શાંતિકુમાર પંડ્યા
મોરલા રે જરા આવી જજે હો
આંગણાં અમારાં ગજાવી જજે હો
વાળોચોળીને રૂડો ચોક મેં સમાર્યો
પગલાં તે સુંદર પાડી જજે હો–મોરલા.
લીલમ લીલી પેલી ચંપાની કુંજમાં
રંગીલું નૃત્ય શીખવી જજે હો–મોરલા.
મેહુલો ગાજે ને ચમકે વીજલડી
મીઠા તે ટહુકા સુણાવી જજે હો–મોરલા.
કાળી કાળી વાદળી ટપ ટપ ટપકે
હૈયાં અમારાં ભીંજાવી જજે હો–મોરલા.
સ્રોત
- પુસ્તક : બાળગીતો- 2 (પૃષ્ઠ ક્રમાંક 33)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ