રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
રિમઝિમ રિમઝિમ
rimjhim rimjhim
યશવન્ત મહેતા
યશવન્ત મહેતા
મમ્મી, તારા સ્નેહ સમી આ વર્ષા વરસે રિમઝિમ રિમઝિમ,
તેને નીરખી હૈયે મારે દીપક પ્રગટે ટિમટિમ ટિમટિમ.
મમ્મી.
વાદળ કેરી ગોદ મહીં સંતાઈ બેસતી જેમ વીજળી,
તારે પાલવ એમ જ હું સંતાઉં, ચમકું ઝિમઝિમ ઝિમઝિમ.
મમ્મી.
જેમ આભમાં મેઘ ગરજતા દશે દિશામાં કરે ધમાધમ,
તારા ઘરમાં એમ આપણું વાગે, મમ્મી, ડિમડિમ ડિમડિમ
મમ્મી.
દ્વાર હેત-વર્ષાનાં, મમ્મી, કદી ના બંધ કરતી તારાં,
ખબર તને છે ને હું જાણું મંત્ર : ખૂલ જા સિમસિમ સિમસિમ
મમ્મી.
સ્રોત
- પુસ્તક : મઘમઘાટ (પૃષ્ઠ ક્રમાંક 55)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982