રેખ્તા
હિન્દવી
સૂફીનામા
રાજસ્થાની
માતાનું મુખડું
matanun mukhaDun
દેવાયત સોની
દેવાયત સોની
(ઢાળા : મીઠા લાગ્યા છે મને આજના ઉજાગરા......)
વ્હાલું લાગે છે મને માતાનું મુખડું;
હૈયામાં આનંદ પ્રસરાવતું;
માતાનું મુખડું સોહામણું.
અમીભર્યું મુખ અને અમીભરી આંખડી;
અમૃતની ધારા રેલાવતું;
માતાનું મુખડું સોહામણું
બાપુનો સ્નેહ અને બંધુની છાંયડી;
એથી અધિક વ્હાલું લાગતું;
માતાનું મુખડું સોહામણું.
દિવસ ને રાત એ ધીમા ધીમા સૂરથી;
હાલરડાં મીઠાં સુણાવતું;
માતાનું મુખડું સોહામણું.
હસતું એ મુખ મને ઘડી ઘડી સાંભરે;
આનંદને ઝૂલે ઝુલાવતું;
માતાનું મુખડું સોહામણું.
સ્રોત
- પુસ્તક : ગીતરાણી (પૃષ્ઠ ક્રમાંક 28)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945