રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મને કહોને
mane kahone
પ્રીતમલાલ મજમુદાર
પ્રીતમલાલ મજમુદાર
મને કહોને ઈશ્વર કેવા હશે!
ક્યાં રહેતા હશે, શું કરતા હશે!
ગગનની ઓઢણીમાં ચાંદા સૂરજ ને
તારાને ગૂંથનાર કેવા હશે! મને કહોને....
આંબાની ઊંચી ડાળી ચડીને,
મ્હોરોને મૂકનાર કેવા હશે! મને કહોને....
મીઠા એ મ્હોરોના સ્વાદ ચખાડી,
કોયલ બોલાવનાર કેવા હશે! મને કહોને....
ઊંડા સાગરનાં મોજાં ઉછાળી,
ઘૂ ઘૂ ગજવનાર કેવા હશે! મને કહોને....
મનેય મારી માડીને ખોળે
હોંશે હુલાવનાર કેવા હશે! મને કહોને....
સ્રોત
- પુસ્તક : મઘમઘાટ (પૃષ્ઠ ક્રમાંક 63)
- પ્રકાશક : હાર્દિક પ્રકાશન
- વર્ષ : 1982