રેખ્તા
હિન્દવી
સૂફીનામા
રાજસ્થાની
લે ને તારી લાકડી, લે ને તારી કામળી;
વાછરું ચરાવવા નહિ જાઉં માવલડી.
માખણ તો બળભદ્રે ખાધું,
અમને મળી ખાટી ખાટી છાસલડી. લે ને....
વૃંદાવનને મારગ જાતાં
પગમાં ચૂમે ઝીણી ઝીણી કાંકરડી. લે ને.....
દાદૂર મોર-બપૈયા બોલે,
ખિજાવે કહી કાળી કરસનડી. લે ને.....
મીરાં કહે પ્રબુ ગિરધરના ગુણ,
ચરણ-કમળ ચિત્ત રાખલડી. લે ને.....
સ્રોત
- પુસ્તક : ગીતરાણી (પૃષ્ઠ ક્રમાંક 29)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945