રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
લાડુભટ્ટ
laDubhatt
મહિપતરામ જોષી
મહિપતરામ જોષી
મારું નામ લાડુભટ્ટ
મારી વાત સીધીસટ્ટ—મારું...
ગોળ ગોળ લાડુની ગોળી
ગળતો હું ઝટપટ;
ગોળ ફાંદ પર હાથ ફેરવી
ઘોરું ઘરરર ઘટ્ટ—મારું...
દાળશાકની સામે ન જોઉં
લાડુ કરતો ચઠ્ઠું;
ભાતઅથાણાં આવે વચ્ચે
તો કહું કે જા હઠ્ઠું—મારું....
લચપચતા લાડુ જમવાની
મને પડી છે લત
ભલે દુનિયા દુઃખી-સુખી
મારે શી નિસ્બત—મારું...
ગોળગોળીઓ ગળી ગળીને
થયો શરીરે લઠ્ઠ;
ધીંગુ ધડબું શરીર મારું
પાડે મારો વટ્ટ—મારું...
સૂરજચાંદો મુજને જોતાં
છુપાય વાદળપટ
ભૂલથી ભટજી ગળી જશે
તો થાશે બહુ હરકત—મારું...
સ્રોત
- પુસ્તક : ગીતરાણી (પૃષ્ઠ ક્રમાંક 53)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945