રેખ્તા
હિન્દવી
સૂફીનામા
રાજસ્થાની
હૂપ હૂપ વાંદરો
hoop hoop wandro
ધીરજ જોગાણી
ધીરજ જોગાણી
હૂપ હૂપ કરતો આવ્યો રે વાંદરો
હૂપ હૂપ કરતો આવ્યો....
મંજુબેનનું માટલું રે ફોડ્યું
ત્રીજે માળે ધમાલ મચાવી
કાન્તાકાકીને રે રડાવી
સાડી લઈને ભાગ્યો રે વાંદરો
હૂપ હૂપ કરતો આવ્યો....
છાપું વાંચતા દાદાજી આવ્યા
છીંકણી સૂંઘતાં દાદીમા આવ્યાં
દંડો લઈને પપ્પાજી આવ્યા
દંડો લઈને ભાગ્યો રે વાંદરો
હૂપ હૂપ કરતો આવ્યો....
એં એં કરતો બાબલો જાગ્યો
આંખો ચોળતી બેબલી જાગી
રસોડામાંથી મમ્મી રે ભાગી
રોટલી લઈને ભાગ્યો રે વાંદરો
હૂપ હૂપ કરતો આવ્યો....
સ્રોત
- પુસ્તક : મઘમઘાટ (પૃષ્ઠ ક્રમાંક 68)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982