રેખ્તા
હિન્દવી
સૂફીનામા
રાજસ્થાની
દાદાની વાડીએ
dadani waDiye
શાંતિકુમાર પંડ્યા
શાંતિકુમાર પંડ્યા
ચાલને ચાલ બેની રમવાને જઈએ
દાદાની વાડીએ મોરલો, ચાલ બેની રમવાને જઈએ.
હું બનું ડાળી, તું કોયલડી કાળી
કૂ....ઉ....ઉ....ઉ, કૂ....ઉ....ઉ....ઉ
વગડો ગજવતાં જઈએ, ચાલ બેની રમવાને જઈએ.
હું બનું ગાડી તું એંજિન અગાડી
પી.......ઈ.......ઈ, પી.......ઈ.......ઈ,
છુક છુક કરતાં જઈએ, ચાલને બેની રમવાને જઈએ.
હું બનું મોરલો, તું બને ઢેલડ
ટેંહુક.........., ટેંહુક..........
થનગન કરતાં જઈએ, ચાલ બેની રમવાને જઈએ.
હું લાવું પાંદડાં, તું લાવે પાણી
ચાલ મમરાની કરીએ ઉજાણી, ચાલને બેની રમવાને જઈએ.
સ્રોત
- પુસ્તક : બાળગીતો- 2 (પૃષ્ઠ ક્રમાંક 32)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ