રેખ્તા
હિન્દવી
સૂફીનામા
રાજસ્થાની
રાતું ગુલાબ
ratun gulab
હર્ષદ પટેલ
હર્ષદ પટેલ
છોડવાની ડાળે,
કે રંગે રૂપાળે,
કે સૌ કોઈ ભાળે,
રાતું ગુલાબ બેઠું હતું, બેઠું હતું.
પવનની પાંખે,
કે ડાળીઓની પાંખે,
કે ડાળીઓની સાથે,
કે છોડવાની ટોચે,
રાતું ગુલાબ હલતું હતું, હલતું હતું.
બેનીને હાથે,
કે ફૂલડાંની સાથે,
કે ફૂલદાની માથે,
રાતું ગુલાબ બેઠું હતું, બેઠું હતું.
સ્રોત
- પુસ્તક : ગીતરાણી (પૃષ્ઠ ક્રમાંક 21)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945