આવ્યું દિવાળીનું ટાણું,

આવ્યું દિવાળીનું ટાણું,

હો ભાઈબંધ! આવ્યું દિવાળીનું ટાણું;

ગા ને આનંદનું ગાણું,

હો ભાઈબંધ! આવ્યું દિવાળીનું ટાણું.

ખાવાની મોજ રોજ આવે છે ઑર કંઈ,

મળે છે નિત નવું ખાણું;

હો ભાઈબંધ! આવ્યું સોનેરી ટાણું.

દારૂખાનું રોજ દાદાજી લાવતા,

રાતે ત્યાં નાખીએ થાણું;

હો ભાઈબંધ! ગાતાં ફટાકડા-ગાણું.

બેનીએ હોંશભેર આંગણિયાં લીપિયાં,

લેવાને લાખેણું લ્હાણું;

હો ભાઈબંધ! આવ્યું રંગોળીનું ટાણું.

પૂરેલા સાથિયામાં પગલી પાડું તો

બેનીનું મોઢું કટાણું;

હો ભાઈબંધ! એમાં યે દિવાળી માણું!

awyun diwalinun tanun,