રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નિશાન ભૂમિ ભારતનું
nishan bhumi bharatanun
ત્રિભુવન ગૌરીશંકર વ્યાસ
ત્રિભુવન ગૌરીશંકર વ્યાસ
નહિ નમશે, નહિ નમશે
નિશાન ભૂમિ ભારતનું.
ભારતની એ ધર્મધજાનું.
સાચવશું સન્માન....ભૂમિ.
ઐક્ય તણો એ અમરપટો
છે મુક્તિનું વરદાન....ભૂમિ.
ભારતમાતાના મંદિર પર
એ શાંતિનું એંધાણ....ભૂમિ.
ચક્ર સુદર્શન-અંકિત એ તો
હિન્દી જનના પ્રાણ....ભૂમિ.
અચળ અમારે આંગણ એ તો
સ્વરાજ્યનું મંડાણ....ભૂમિ.
સાચા હિંદી–સૂરાઓનું
એ છે વિજયસુકાન....ભૂમિ.
નહિ નમશે, નહિ નમશે
નિશાન ભૂમિ ભારતનું....ભૂમિ.
સ્રોત
- પુસ્તક : મઘમઘાટ (પૃષ્ઠ ક્રમાંક 20)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982