રેખ્તા
હિન્દવી
સૂફીનામા
રાજસ્થાની
ગોળની ગાંગડી
golni gangDi
નારાયણ તપોધન
નારાયણ તપોધન
ગળ્યા ગળ્યા ગોળની
ગળી ગળી ગાંગડી.
ગળ્યો ગળ્યો ગોળ ગમ્યો
લાડકાંને લહેર પડી.
ગળી ગળી ગાંગડી....ગળ્યા.
ટાબરિયાં ટોળી મળી
દાદાજીને ઘેરી વળી
દાદાજી અમને દો
ગળી ગળી ગાંગડી....ગળ્યા.
ભાઈને બહુ ભાવતો
બહેનને બોલાવતો :
દોડ દોડ દાદા દે
ગળી ગળી ગાંગડી....ગળ્યા.
મોંમાં મમળાવતાં
ધીમાં પીગળાવતાં
જીભે ચગળાવતાં
ગળી ગળી ગાંગડી....ગળ્યા.
સ્રોત
- પુસ્તક : મઘમઘાટ (પૃષ્ઠ ક્રમાંક 56)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982