રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
બકરીનું બચ્ચું
bakrinun bachchun
નરસિંહરાવ દિવેટિયા
નરસિંહરાવ દિવેટિયા
જો પેલી બકરીનું બચ્ચું
કૂદ કૂદ કૂદકા મારે;
વાંકી ડોકે, ઠમ ઠમ ઠમકે
કેવું હરખાયે ભારે!
રે પેલી બકરી મા એની
પાસે ના હોય જ્યારે;
બેં બેં બેં બેં કરતું એ તો
બૂમો પાડે ત્યારે!
માતા આવે ત્યારે કેવું
બચ બચ કરતું ધાવે;
ધાવી પાછું કૂદકા મારે
કેવો હરખ એને આવે!
હું પણ મારી માડી આવે
તો કેવો હરખાઉં રે;
મા, મા, મા, કરતો હું તો
કેવો પાસે જાઉં રે!
સ્રોત
- પુસ્તક : બાળગીતો (ભાગ પહેલો) (પૃષ્ઠ ક્રમાંક 44)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1988
- આવૃત્તિ : પુનર્મુદ્રણ