રેખ્તા
હિન્દવી
સૂફીનામા
રાજસ્થાની
બાબાગાડી
babagaDi
જેઠાલાલ ત્રિવેદી
જેઠાલાલ ત્રિવેદી
ચાલે મારી બાબાગાડી,
કેવી મઝાની જોને ગાડી!
શેરીએ ઘૂમે બાબાગાડી,
જોરથી જેવી સીટી વગાડી–
ચાલવા લાગી બાબાગાડી!
કેવી મઝાની બાબાગાડી
બચુડીને બા! રમવા મેલો,
લાગવા નઈ દઉં જરાય હેલો,
બતાવું બાબાગાડી-ખેલો
એવી મઝાની બાબાગાડી!
ખટખટ કરતી બાબાગાડી,
ઓળંગે પૂલ, નદી ને ખાડી,
વચમાં લીલીછમ વન-ઝાડી.
કેવી મઝાની બાબાગાડી!
બારે બા! મારી બાબાગાડી
ભગાભાની ભેંસ ભગાડી–
આ ભાથીડે સીટી વગાડી,
બાહ મઝાની બાબાગાડી!
સ્રોત
- પુસ્તક : મઘમઘાટ (પૃષ્ઠ ક્રમાંક 51)
- સંપાદક : કનૈયાલાલ જોશી, કાન્તિ કડિયા
- પ્રકાશક : હાર્દિક પ્રકાશન
- વર્ષ : 1982