રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
બારમાસી
baarmasi
ભાસ્કર ભટ્ટ
ભાસ્કર ભટ્ટ
મારાં આંગણિયાં અજવાળે,
કે ફૂલડાં બારમાસી,
બીજાં ફૂલોની આંખ થાય ત્રાંસી... કે ફૂલડાં બારમાસી...
ઊગતા ગુલાબ અહીં, સૂરજની આંખ થઈ,
લહેરાતા મોગરા, ચાંદાની પાંખ થઈ,
બારમાસી તો તારલાની માસી... કે ફૂલડાં બારમાસી...
ના કોઈ ચૂંટશે રે ના કોઈ સૂંઘશે,
જાગશે તે દિવસે, ને રાતે ને ઊંઘશે,
નહીં કરમાશે, નહીં થાય વાસી... કે ફૂલડાં બારમાસી...
દિવસનો રાજા ને રાણી છે રાતની,
બાગોમાં ફૂલોની જાતો સો ભાતની,
રોજ ચમકે છે ફૂલની આ દાસી... કે ફૂલડાં બારમાસી...
સ્રોત
- પુસ્તક : તાલોચ્છવ (પૃષ્ઠ ક્રમાંક 22)
- સર્જક : ભાસ્કર ભટ્ટ
- પ્રકાશક : ઉદય બી. ભટ્ટ
- વર્ષ : 2009