રેખ્તા
હિન્દવી
સૂફીનામા
રાજસ્થાની
તમ્મરનો ભારો
tammarno bharo
બચુભાઈ કામ્બડ
બચુભાઈ કામ્બડ
લ્યો, લ્યો, તમ્મરના લાકડાનો ભારે
તમ્મરનો ભારો, તમ્મરનો!
વહેલાં ઊઠીને દરિયે રે જઈએ,
ગોઠણ સુધી ગારામાં પડીએ,
તોયે ન આવતો આરો!
તમ્મરનો ભારો, તમ્મરનો ભારો!
–લ્યો.
હાથમાં કુહાડી ને માથે રે પોટલાં
ભાતામાં મરચાં ને ટાઢા રે રોટલા,
બપ્પોરે ખાવાનો વારો!
તમ્મરનો ભારો, તમ્મરનો ભારો!
–લ્યો.
જેમ તેમ ઝટપટ કાપીકૂપીને,
તમ્મરનાં લાકડાં ભેળાં કરીને,
સીંદરીએ બાંધીએ ભારો!
તમ્મરનો ભારો, તમ્મરનો ભારો!
–લ્યો.
સાંજ પડે ત્યારે ઘર ભેળાં થઈએ,
થાકી થાકી ને પોઢી રે જઈએ,
બીજે દિ’ વેચવાનો વારો!
તમ્મરનો ભારો, તમ્મરનો ભારો!
–લ્યો.
સ્રોત
- પુસ્તક : બાળગીતો- 2 (પૃષ્ઠ ક્રમાંક 20)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ