રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આવ્યું દિવાળીનું ટાણું,
awyun diwalinun tanun,
જયંતિલાલ શાહ
જયંતિલાલ શાહ
આવ્યું દિવાળીનું ટાણું,
હો ભાઈબંધ! આવ્યું દિવાળીનું ટાણું;
ગા ને આનંદનું ગાણું,
હો ભાઈબંધ! આવ્યું દિવાળીનું ટાણું.
ખાવાની મોજ રોજ આવે છે ઑર કંઈ,
મળે છે નિત નવું ખાણું;
હો ભાઈબંધ! આવ્યું સોનેરી ટાણું.
દારૂખાનું રોજ દાદાજી લાવતા,
રાતે ત્યાં નાખીએ થાણું;
હો ભાઈબંધ! ગાતાં ફટાકડા-ગાણું.
બેનીએ હોંશભેર આંગણિયાં લીપિયાં,
લેવાને લાખેણું લ્હાણું;
હો ભાઈબંધ! આવ્યું રંગોળીનું ટાણું.
પૂરેલા સાથિયામાં પગલી પાડું તો
બેનીનું મોઢું કટાણું;
હો ભાઈબંધ! એમાં યે દિવાળી માણું!
સ્રોત
- પુસ્તક : ગીતરાણી (પૃષ્ઠ ક્રમાંક 27)
- સંપાદક : ભાનુભાઈ પંડ્યા
- પ્રકાશક : ઘરશાળા પ્રકાશનમંદિર
- વર્ષ : 1945