રેખ્તા
હિન્દવી
સૂફીનામા
રાજસ્થાની
વાજા
waja
ત્રિભુવન ગૌરીશંકર વ્યાસ
ત્રિભુવન ગૌરીશંકર વ્યાસ
વાગે વરઘોડાનાં વાજાં
ચાલો જોવાને જઈએ!
સૂરીલી શરણાઈ બોલે
જાણે કોયલ કૂકે;
ઢબક ધ્રીબાંગ, ઢબક ધ્રીબાંગ,
ઢોલ જુઓ ઢબૂકે;
ચાલો જોવાને જઈએ!
પડઘમ ને રમઢોલ સાથે
કડકડ, કડકડ ધોમ;
મીઠા મીઠા પાવા એના
પીપી, પીપી, પોમ;
ચાલો જોવાને જઈએ!
નગારચીની નોબત ગગડે
કડાંગ ધીનકટ ધા,
સૂર ઊંચા સંભળાયે એના
પિપૂડીના તીખા;
ચાલો જોવાને જઈએ.
સ્રોત
- પુસ્તક : બાળગીતો- 2 (પૃષ્ઠ ક્રમાંક 42)
- સંપાદક : સોમાભાઈ ભાવસાર
- પ્રકાશક : સંસ્કાર સાહિત્ય મંદિર
- વર્ષ : 1978
- આવૃત્તિ : પુનર્મુદ્રણ