રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ગામને ગોંદરે
gamne gondre
પુનમચંદ શાહ
પુનમચંદ શાહ
ગામને ગોંદરે ગાડું આવે, ગાડું આવે!
નાનો નાગર એને હાંકી લાવે, હાંકી લાવે!
–ગામને.
પહેરી છે પોતડી, પગમાં છે મોજડી,
અંગે અંગરખી પહેરી આવે, પહેરી આવે!
ફોફાં એ ફોલતો, સીંગચણા ફાકતો,
ફાળિયું સમારતો હાલ્યો આવે, હાલ્યો આવે!
–ગામને.
બળદોને હાંકતો પૂંછડું આમળતો
ડચકારા ડચડચ દેતો આવે, દેતો આવે!
–ગામને.
પૂળાનો ભાર ભર્યો, ઊંચે આકાશ ચડ્યો,
માથું એ છાયામાં ઢાંકી આવે, ઢાંકી આવે!
–ગામને.
