વાલાજી! મારા નોધારાના રે આધાર

વાલાજી ! મારા નોધારાના રે આધાર,

છો પ્રાણના પ્યારા રે, મોહન મારા...

વાલાજી ! મારા પૂર્વેના વચનોથી પળિયા,

હવે મુશ્કેલીથી મળિયા રે, મોહન મારા…

વાલાજી ! મારા યોગ પુરવ તણો જાગ્યો,

હવે ભવનો ફેરો ભાગ્યો રે, મોહન મારા...

વાલાજી ! મારા કષ્ટ કરોડો કાપ્યાં,

અમને અભયપદ આપ્યાં રે, મોહન મારા...

વાલાજી ! મારા અમીધરને છે કહેવાનું,

કે કાયમ રુદિયે રહેવાનું રે, મોહન મારા...

Valji mara nodhara na aadhar