એની ઉપમા કહી નવ જાય,

સુરતા રે ચાલ્યાં સાસરે

દયાળદાસે રે સુરતી વિવાહ કર્યાં, તેનું સાસસિરયુ કહ્યું સાર....

સુરતા રે૦

મન પિતા સુરતાને રે વિનવે, જાવું સાસરિયે પહેરી શણગાર...

સુરતા રે૦

સત ચિદાનંદ શણગાર પહેરિયા, ક્ષણ એક ન લાગી વાર...

સુરતા રે૦

મંછા માડીને રે ચરણે નમ્યાં, મન પિતાને કર્યાં રે જુહાર...

સુરતા રે૦

વળાવા વિચાર–કાકા આવિયા, સુબુદ્ધિ શાંતિ કાકીના ઉપકાર...

સુરતા રે૦

વિશ્વાસ વીરાજી રે સાથે આવિયા, ભાભી ભક્તિ વંદે નરનાર...

સુરતા રે૦

ભાવ મામે તે પણ આવિયા, પ્રીતિ મામી સાથે રે અપાર...

સુરતા રે૦

રહેણી રથ માંહી પ્રેમની રે ગાદીઓ, સુરતા બેઠાં છે છોડી લેાકાચાર...

સુરતા રે૦

પિતા કહે પુત્રી કલ્યાણ કહાવજો, સહેજો સ્વામી સહેત આચાર...

સુરતા રે૦

સદ્‌ગુરુજી તે આણે આવિયા, શબ્દ–સારથી રથ હાંકે નિરધાર...

સુરતા રે૦

સત્સંગ સાસરિયામાં ઊતર્યો, મળ્યાં નામ સ્વામી ને સુરતા-નાર...

સુરતા રે૦

મળ્યા અધર ઊર્ધ્વના રે ઘાટમાં, ખેલ્યાં અરસ પરસ પરાપાર...

સુરતા રે૦

સાસરિયે રે સમાતી રે શુદ્ધ થઈ, ઢીંગલીએ રે રમે નહિ લગાર...

સુરતા રે૦

કહે 'ધરમશી' સદ્‌ગુરુના રે સાથમાં રે, નિરાલંબ પદ બાવન બાર...

સુરતા રે૦