રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સોઈ ભણ્યા રે સંસારમાં, જેણે બ્રહ્મ ભેદ પાયા રે,
પ્રેમ પંડ્યો જિસકો મળ્યા, આવાગમન મિટાયા જી... સોઈ ૦
અનુભવી અક્ષર એક છે, દૂજો દિલમાં ના'વે જી,
નિશાળ ગગન મંડલમાં, પંડ્યો પાટી ભણાવે જી... સોઈ ૦
જરણાની પાટી લઈ, ક્રિયા હૈ ઉન સાઈ જી,
લેખણ શીલ સંતોષની, ભણીએ સંતો ભાઈ જી... સોઈ ૦
ભણ્યા ગણ્યા જે કોઈ હદ લગી, બેહદ સંત કોઈ બૂઝે જી,
જીવત મરતુક હોઈ રહ્યા, સરવે લોક તેને સૂઝે જી... સોઈ ૦
મેં જોયું પિયા તુજ ભણી, તું મુઝ મેં આયા જી,
'ગોદડ' ગુરુ પ્રતાપ સે, હંસે હંસ મિલાયા જી... સોઈ ૦
સ્રોત
- પુસ્તક : વસ્તુ અમૂલખ (પૃષ્ઠ ક્રમાંક 8)
- સર્જક : ફારૂક શાહ
- પ્રકાશક : નવનીત સમર્પણ
- વર્ષ : 2023